Resúmen Desishonnan di BvR 7 mei 2024

Dos tópiko ta pasa unánimemente sin moshon i unu ku moshon a pasa den reunion di toma di desishon (BVR) di 7 di mei 2024

Despues di algun diskushon tokante si e notanan di maneho ‘Hoben Talentoso - Preventief Integraal Jeugdbeleid’ i e maneho di séniòrnan ‘Vitaal ouder worden op Bonaire 2023-207’ lo mester a haña aklarashon òf mester a diskutí nan den e reunion di toma di desishon (BVR) di 7 di mei, Konseho Insular a akseptá tur dos dokumento unánimemente. E moshon tokante un investigashon di partisipashon di gobièrnu di parti di Entidat Públiko Bonaire a keda firmá pa tur nuebe konsehal.
‘Hoben Talentoso-Preventief Integraal Jeugdbeleid’ ta un kuadro i un manual pa implementashon di instrumento di maneho. E pakete di instrumento di maneho akí mester bai sòru ku hóbennan (i.e. mucha i adolesente di 0 te 27 aña) den kooperashon ku tur partido embolbí (i.e. partnernan di kadena hubenil, e hóbennan mes, mayornan i trahadónan di maneho) ta haña oportunidat igual, por krese di manera saludabel i seif i banda di esaki haña espasio pa desaroyá i hasi uso optimalmente di nan talentonan i kompetensianan. Ademas Entidat Públiko Bonaire denter di e kuadro di medidanan preventivo a duna prioridat na partisipashon di hóbennan i empoderashon di hóbennan. E dokumento di maneho ta sigui kontinuá i ta basá riba palabrashon, karta di Parlamento, investigashon i nota di maneho di añanan anterior manera e palabrashonnan atministrativo di Kuido Hubenil Caribisch Nederland 2023, CBS monitor hubenil 2023, Nota Startnotitie Integraal Jeugdbeleid 2023, OLB Rapportverslag Bouwstenen Pedagogische Visie 2017, etc.
E implementashon di maneho ta enfoká riba dies faktor di protekshon ku ta surgi for di puntonan di bista di Nederlands Jeugdinstituut. Kombiná ku e nota ku ta originá di e mundu di sikologia di desaroyo Positief Opgroeien EPB ke realisá banda di esei un desaroyo di normalisá na lugá di krea problema i di realisá prevenshon na lugá di kuido di hubentut. 
Kontinuando riba e áreanan di atenshon pa prevenshon di e Plan di Maneho di Hubentut EPB 2015-2020, banda di e kuater áreanan di atenshon Famia & Edukashon, Salubridat, Edukashon & Labor, Tempu Liber, Kultura, Deporte & Wega ku tabata presente kaba, den e plan akí a bini atenshon pa Partisipashon i Seguridat. Kada área di atenshon tin su propio metanan di maneho, diesdos na total, basá riba esakinan tin: medida, akshon i resultado deseá formulá.
Diputado den Heyer den e reunion di toma di desishon (BVR) a indiká ku e plan di maneho pa séniòr ‘Vitaal ouder worden op Bonaire’, na fin di 2022 tabata akordá pa Kolegio Ehekutivo (BC) pero no a manda esaki ainda pa konseho Insular. E seis metanan di maneho den e plan ta repartí riba tres seno; e individuo, ku ta kubri entre otro salubridat físiko i mental, ambiente sosial òf reda sosial i mantelzorg, i ambiente di biba. E metanan mester bai realisá ku e séniòrnan vital, den nesesidat di asistensia i frágil ku tin problema kompleho por bira mas grandi di manera saludabel i vital. Banda di esaki ta e intenshon ku e habitantenan séniòr pa medio di e seis metanan por keda partisipá na komunidat komo miembronan balorá, pero tambe risibiendo kuido adekuado ku ta kapasitá nan pa keda biba mas tantu posibel na kas i den nan propio ambiente i pa keda tuma maneho di nan propio bida.
E moshon tokante partisipashon di gobièrnu ta trata di un petishon di Konseho Insular na Kolegio Ehekutivo pa hasi un investigashon di e maneho di gobièrnu relashoná ku e partisipashonnan di gobièrnu i pa medio di un desishon di Konseho Insular ku ta bai formulá ku ta bai hasi e investigashon akí posibel. Konseho Insular ku esaki ke mehorá e vishon den asuntu di partisipashon di gobièrnu, promové deskubrimentu di bèrdat i reforsá e konfiansa públiko den gobièrnu. Ademas Konseho Insular ta hasi uso di e oportunidat akí pa evaluá tur partisipashon di gobièrnu i kompartí eksperensia di konosementu. E inkietut serka Konseho Insular relashoná ku nombramentu i retiro den direktiva i komisariado di Selibon i un falta di informashon i responsabilidat públiko pa e miembronan di Konseho Insular tabata e motibu prinsipal pa un petishon di investigashon.