Home

Riba 10 di yüni konseho insular di Boneiru, Sint Eustatius i Saba a reuní na Sint Maarten pa e di 9 Kumbre di BES. E kumbre akí ta konkluí un siklo kompleto, loke ta nifiká ku tur e tres islanan a organisá i presedí e enkuentronan.

Un delegashon di Konseho Insular di Boneiru ta hasi un bishita di trabou na Sint Maarten i Hulanda di 9 te ku 22 di yüni. Meta di e bishita ta interkambio di konosementu, fortifikashon di e kooperashon den Reino i ponementu na atenshon di tópikonan di importansia pa Boneiru i su habitantenan.

Luna pasá Konseho Insular di Boneiru a sera konosí ku minister-presidente Rob Jetten durante su bishita na Boneiru. E kòmbersashon su tópiko prinsipal tabata konekshon i tabata parti di e biahe di sera konosí di e minister-presidente na e parti karibense di Reino.