Vakatura Griffier Insular

Konseho Insular ta apuntá e Griffier Insular. Konseho Insular ta konsistí di nuebe miembro. E tareanan i responsabilidatnan di e Griffier Insular ta poné den i ta prosedé di e reglanan legal, relashoná ku e Griffier Insular den e Lei di Entidat Públikonan di Boneiru, Sint Eustatius i Saba, otro regulashon nashonal i ordenansa insular i regulashon suplementario insular.

E Griffier Insular ta e promé konsehero di Presidente i di Konseho Insular pa asuntunan di prosesamentu, prosedural i di kontenido. Huntu ku e Gezaghèber i e Sekretario Insular, e Griffier Insular ta forma e "Triángulo," den kua ta diskutí e tópikonan prinsipal di koordinashon entre e tres órganonan di atministrashon di e isla.

E Griffier Insular ta responsabel pa konsehá e Konseho Insular tokante tantu e leinan i regulashonnan lokal, komo tokante leinan i regulashonnan nashonal, i otro proposishon hasí na e Konseho Insular. E Griffier Insular ta dirigí e Ofisina di Griffie Insular, konsistiendo di konseheronan di Konseho Insular altamente kapas, responsabel i operando independientemente i dediká na publisidat, neutralidat i demokrasia.

E Griffier Insular ta organisá e dokumentashon, divulgashon i distribushon di dokumentonan i ta organisá e reunionnan di e Konseho plenario i di e komishonnan fiho di Konseho Insular. E Griffier Insular ta e gerente di presupuesto di entrada i gastu di Konseho Insular i Griffier Insular, i e ta e partner ofisial di e parti ehekutivo di Entidat Públiko Boneiru, Den Haag i otronan.

Pa e funshon akí ta rekerí un edukashon akadémiko kompletá, preferiblemente den área di lei konstitushonal òf atministrativo. Ta rekerí tambe eksperensia amplio den un ambiente polítiko-atministrativo kompleho, variabel i e impredisiblidat ku ta parti di esaki. Eksperensia den maneho di un tim chikitu i independiente ta importante. Bo ta gusta lesa i skirbi. Dominio ekselente oral i skirbí di papiamento i hulandes ta rekerí. Finalmente ta preferá ku bo ta di Boneiru. Nos ta invitá ku énfasis kandidatonan prometedor di Boneiru ku kisas ainda no ta kumpli kompletamente ku tur rekisito pa apliká.